Ռումինիայի Յաշ քաղաքում կայացել է «Հայ հոգևոր խորհրդանիշերի ծածկագրերը և ինքնության շրջանակները» խորագրով միջազգային գիտաժողովը

17 նոյեմբերի, 2023

Նոյեմբերի 11-ին Յաշի Ալեքսանդրու Յոան Կուզայի անվան համալսարանում տեղի ունեցավ «Հայ հոգևոր խորհրդանիշերի ծածկագրերը և ինքնության շրջանակները» խորագրով միջազգային գիտաժողովը (հիբրիդ ձևաչափով), որը կազմակերպվել էր Յաշի համալսարանի և Արժեքների ու հոգևոր ուսումնասիրությունների ինստիտուտի (տնօրեն Դան Կիցոյու) նախաձեռնությամբ։

Գիտաժողովի բացմանը, հեռավար ձևաչափով, ելույթ ունեցավ Ռումինիայում ՀՀ դեսպանության խորհրդատու Լիանա Մինասյանը, ով դեսպան Սերգեյ Մինասյանի անունից ողջունեց միջոցառման կազմակերպիչներին և մասնակիցներին՝ կարևորելով նման միջոցառումների ացկացումը, քանի որ դրանք հնարավորություն են տալիս աշխարհին ներկայացնելու հայ հոգևոր և մշակութային արժեքները, դրանց պահպանման հետ կապված խնդիրներն ու սպառնացող վտանգները։ Լ․ Մինասյանը, ներկայացրեց հայերի համար հատուկ խորհրդանիշ հանդիսացող խաչքարերի նշանակությունն և պատմությունը՝ ընդգծելով Ադրբեջանի վերահսկողության տակ անցած տարածքներում հայկական մշակութային և կրոնական ժառանգության պահպանման հետ կապված խնդիրները՝ հույս հայտնելով, որ միջազգային հանրությունը ջանք չի խնայի կանխելու դրանց պղծումը ։

Գիտաժողովին զեկուցումներով հանդես են եկել՝ Վարուժան Ոսկանյանը, Լևոն Չուքասզյանը, Մարիամ Վարդանյանը, Ավեդիս Հաջյանը, Վլադ Բեդրոսը և այլք։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր